ابومحمود

السلام عليكم

اخى فى الاسلام ابو محمود ارجوان يكون صدرك رحب لكى تقراء ردى ومتزعلش من ردى وارجو عدم حذف ردى

اى مصدر اللى حضرتك بتسال عليه انا مقلتش حديث شريف عشان تسالنى عن مصدره انا كل اللى قلته انى وضحت للعالم الاسلامى اجمع حقيقة هو لا يعلمها العالم الاسلامى اجمع يؤمن ان الله عز وجل يكور الليل على النهار والعكس كما اخبرنا الحق سبحانه وتعالى فى القرءان الكريم للاسف الناس كلهم اللى على وجه الارض بمن فيهم بعض المسلمين ومنهم الدكتور مصطفى الفقى اللى بيكتب فى المصرى اليوم انا سمعته بودنى بيقول فى برنامج على قناة من قنوات الدش ان بيقول ان ربنا اخبرنا ان الارض كروية وجى العلم الحديث اثبت عكس ذلك اثبت ان الارض مفلطحة عند القطبين مش كروية وده للاسف هو فهمه عشان فهم كلام ربنا فى القرءان الكريم غلط زى ما وضحت فى موضوع اعلاه اللى وضحت فيه للعالم اجمع ان فعلا ربنا بيكور الليل على النهار والعكس وان ربنا سبحانه وتعالى ماقلناش ان الارض كروية ابدا عشان تصدق كلامى حقلك حاجة اسال اى مدرس جغرافيا وقله السنة ايه شكلها عند القطبين حيقلك 6 شهور ليل متواصل بدون نور شمس وال6 التنين نهار متواصل بدون نور للشمس يعنى ربنا سبحانه وتعالى اخرج القطبين من حكاية التكوير وربنا اخبرنا فى القرءان الكريم انه فى جبال بيضاء وهى جبال الثلج وهى بتتكون نتيجة عدم رؤية نور الشمس عند القطبين انت عارف ايه اللى حيحصل لو الشمس ظهرت عند القطبين بنفس القوة اللى بتظهر بيها هنا وبشكل يومى متواصل مستمر الى يوم القيامة الارض حتغرق كلها لو الجليد اللى عند القطبين ساح اخى ابو محمود لو انت مش مصدقنى اسال مدرس جغرافيا عن شكل السنة ايه عند القطبين حتعرف لوحدك ان ربنا اخرجها من حكاية تكوير الليل على النهار والعكس انت عارف انها تبقى مصيبة ان واحد زى الدكتور مصطفى الفقى او غيره يقول ان ربنا قال كذا والعلم الحديث اثبت عكس ذلك ده اسمه كفر والعياذوا بالله وده كله جى نتيجة فهم ايات القرءان الكريم خطاء ومصدر كلامى هذا مخى اوعقلى اللى ربنا خلقهولى وخلانى افكر صح وهدانى برحمته للحق وخلانى ابين للناس حقيقة ومعجزه لا يعلموها فى النهاية ارجو من الله ان تكون فهمت كلامى صح لان اجمل حاجة انك تكون عالم ازهرى يعنى حافظ كلام ربنا وفاهمه وتعرف توضحه للناس رحمة الله على الشيخ الشعراوى لانه كان عالم كان عالم فى الدين وعالم بمجريات الكون من حوله عالم بايات الله فى كونه وفاهم مجريات الكون من حوله تقدر تقول كان عالم دين وعالم جولوجيا وهو ده اللى انا بتمناه ان كل عالم يخرج من الازهر الشريف يكون مش بس عالم فى الدين لازم يكون عالم جيولوجيا حتى لو مدرستهاش فى الازهر اسال دكتور جيولوجيا عن طبيعة الارض والكون من حولك اللى ربنا خلقه لو مكسوف تسال ادخل مكتبة واقراء كتب الجغرافيا فيها تبقى عالم بحق تعلم امر دينك وتعرف تدافع عن دينك امام اعداء الاسلام والله العظيم لم ارد بهذا الايضاح سوى ابتغاء مرضات وجه ربى الكريم وانا عالم اسمى وايميلى وهمى عشان محدش يعرفنى عشان محدش يقول هو بيعمل كده رياء والعياذوا بالله
فى النهاية اقول الحمد لله الذى هدنا لهذا وما كنا لنهتدى لولا ان هدانا الله